Ingi Samuelsen
Amerikanski forsetin, Donald Trump, hevur tikið USA úr teimum ST-stovnum, sum eitt nú skipa fyri veðurlagstoppfundum.
Hetta er galdandi fyri ST veðurlagssáttmálan, UNFCCC, sum á hvørjum ári skipar fyri veðurlagstoppfununum, kendir sum COP.
Hetta upplýsa Hvítu húsini í Washington á heimasíðuni.
Trump forseti skrivaði í gjár undir eina kunngerð, sum inniber, at USA tekur seg úr 66, felagsskapum, konventiónum og sáttmálum..
Umframt ST-veðurlagssáttmálan, hevur USA eisini tikið seg úr millumtjóða nevndini hjá ST um veðurlagsbroytingar, IPCC.
Tað var á COP toppfundinum í 2015 í Paris, at ein avtala varð gjørd, har næstan 200 lond vórðu samd um at avmarka hitavøksturin á jørðini til hægst 2,0 stig – helst undir 1,5 stig – sammmett við hitan undan ídnaðartíðini.
Tað er tó ein tíð síðani, at USA tók seg úr teirri avtaluni, skrivar dr.dk.
Vinarliga broyt tínar kennifíla - og privatlívsstillingar fyri at síggja hetta innihald