Volkswagen gevst at selja bensin- og dieselbilar í Norra

Hetta boðar Volkswagen frá sambært E24. Seinasti bensinbilurin verður seldur í desember. Fyritøkan hevur selt bensin- og dieselbilar í Norra í 75 ár.

Avgerðin verður tikin júst 10 ár eftir, at fyrsti elbilurin frá Volkswagen kom á norska marknaðin.

Norra er annars tað landið í heiminum, sum er komið longst, tá talan er um at brúka elbilar. Ein orsøk til hetta eru nógvu og fjølbroyttu tilboðini av ymiskum modellum elbilum.

Bilgreinarar siga, at avgerðin hjá Volkswagen er bæði náttúrlig og í tráð við grøna orkuskiftið eins og hon eisini fylgir politisku ynskjunum í Norra. Væntandi fara eisini fleiri aðrir bilframleiðarar at fylgja týsku bilafyritøkuni.