Uttanlands

– Ynskja ikki eina búskaparliga vanlukku

Fleiri ES-lond eru ikki til reiðar at boykotta olju úr Russlandi, hóast Týskland hevur megnað at minka um nýtsluna av russiskari olju seinastu átta vikurnar

(Mynd: EPA)

(Mynd: EPA)

2022-05-02 11:43 Author image
Alda Nielsdóttir

Fleiri ES-lond eru ikki til reiðar til at boykotta olju úr Russlandi.

Tað sigur týski orkumálaráðharrin, Robert Habeck.

– Vit ynskja ikki at skapa eina búskaparliga vanlukku, sigur hann í kjalarvørrinum á eina fráboðan í gjár hjá týsku tíðindastovuni dpa um, at týska stjórnin er til reiðar at stuðla eitt boykott av russiskari olju.

Týski ráðharrin í búskaparmálum segði í farnu viku, at Týskland hevði megnað at minka um nýtsluna av russiskari olju úr 35 prosent áðrenn innrásina í Ukraina til 12 prosent.

Men eitt nú Ungarn sigur seg vera ímóti einum ES-boykotti, og sambært Ritzau er tað sama galdandi fyri Eysturríki, Slovakia, Spania, Italia og Grikkaland.

ES fyrireikar í løtuni sætta pakkan av revsitiltøkum móti Russlandi, og sambært embætisfólkum í ES er sannlíkt, at ES fer at banna innflyting av russiskari olju við ársenda.

Les eisini: ES: Olja úr Russlandi bannast við ársenda

Vinarliga broyt tínar kennifíla - og privatlívsstillingar fyri at síggja hetta innihald