Finna meira olju í Barentshavinum

Um somu tíð sum bretar í teirra parti av Norðsjónum onga nýggja leiting hava havt í meira enn eitt ár, halda feløg fram við at finna olju og gass í norska partinum av Norðsjónum og í Barentshavinum.

Nýggja fundið er gjørt tætt við stóru ouleiðina Goliat í Barentshavinum. út fyri Norðurnorra. Av ti at fundið er gjørt so ætt við  eina framleiðandi leið nærhendis, nevniliga pallin Goliat, er ætlanin helst at knýta nýggja fundið í har.

Hetta er annars í tráð við leiti- og framleiðslupolitikkin hjá norsku stjórnini, sum roynir at bora á nýggjum leiðum tætt við verandi undirstøðukervi. Tá gerast útbyggingar væl bíligari. Og so verður eisini í hesum førinum. 

Samtíðis sum eitt fund fyri og annað eftir verður gjørt á norska landgrunninum bíðar vinnan í Bretland spent eftir endaligu avgerðini hjá stjórnini at loyva bæði boringum og útbyggingum eitt nú eystan fyri Føroyar. Roknað verður við svari í næstum, og greinarar halda, at stjórnin, hóast hennara sera grøna orkuráðharra, fer at góðtaka umsókn frá eitt nú nýggja felagnum Adura, sum fevnir um Equinor og Shell.