Hondbólturin sást aftur í elframleiðsluni

Mett varð at um 6.000 føroyingar vóru og fylgdu hondbóltslandsliðnum hjá monnum undir EM-endaspælinum í Oslo í síðstu viku, og at ein stórur partur av Føroya fólki var farin av landinum, sást aftur í elframleiðsluni.

Tað skrivar Sev á heimasíðu síni.

– Lastin lá 5,5% lægri, enn vikuna fyrr, tá annars nøkulunda sami eftirspurningur var frá stóru vinnukundunum, skrivar elfelagið.

Gula linjan á myndini vísir elframleiðsluna fríggjadag til týsdag, vikuna áðrenn hondbóltsfepurin tók yvir, og bláa linjan vísir elframleiðsluna somu dagar vikuna eftir:

(Mynd: Sev)