Uttanlands

Kina vil varðveita orkusamstarvið við Russland

Tað sigur kinesiska uttanríkismálaráðið, nú nýggju revsitiltøkini, sum vesturheimurin hevur sett í verk, koma í gildi í dag

Kinesiski forsetin, Xi Jinping hitti í farnu viku ES-forsetan, Charles Michel, sum heitti á Kina um at brúka sítt samband við Russland til at fáa ein enda á krígnum í Ukraina (Mynd: EPA)

Kinesiski forsetin, Xi Jinping hitti í farnu viku ES-forsetan, Charles Michel, sum heitti á Kina um at brúka sítt samband við Russland til at fáa ein enda á krígnum í Ukraina (Mynd: EPA)

2022-12-05 10:30 Author image
Alda Nielsdóttir
placeholder

Hóast ES, G7-londini og Avstralia hava sett revsitiltøk í verk móti russiska oljuútflutninginum, ætlar Kina at halda fram við orkusamstarvinum við Russland.

Tað sigur kinesiska uttanríkismálaráðið í fráboðan, sum Ritzau endurgevur.

Eftir USA er Russland heimsins størsti oljuframleiðari, og Kina og India eru størstu keyparar av russiskari olju.

Tað er í dag, at revsitiltøk koma í gildi, sum hava til endamáls at raka russiska oljuútflutningin.

Á vitjan hjá Xi Jinping, forseta í Kina í farnu viku heitti ES-forsetin, Charles Michel eisini á Kina um at brúka sítt samband við Russland til at fáa ein enda á krígnum í Ukraina.

Les eisini: Nýggj revsitiltøk í gildi í dag

Vinarliga broyt tínar kennifíla - og privatlívsstillingar fyri at síggja hetta innihald

placeholder