Ungarn lovar at halda fram við keyp av russiskari orku

Fríggjadagin lovaði ungarski forsætisráðharrin, Viktor Orbán russiska forsetanum, Vladimir Putin, at Ungarn framhaldandi fer at keypa russiska olju.

– Eg endurtaki, at orkuveitingin úr Russlandi er grundarligið undir ungarsku orskuveitingini nú og framhaldandi verður tað, segði Orbán undir vitjan í russiska høvuðsstaðnum Moskva.

Ungarski forsætisráðharrin hevur seinastu árini havt tætt samband við Russland hóast russiska innrásin í Ukraina, og er Ungarn framvegis nógv bundið av russiskari olju og gassi.

Undan vitjanini segði Orbán, sambært Ritzau, at hann fór til Moskva "fyri at tryggja, at orkuveiting hjá Ungarn í vetur og komandi ár fæst fyri ein prís, sum tað ber til at gjalda".

Orbán sigur, at Ungarn ikki hevur givið upp samstarvið við Russland hóast trýst uttanifrá.