Minesto sjóvarfalsdreki ávegis til Føroya

Svenska orkufyritøkan Minesto er liðug við sínar testroyndir á landi í Vestmanna við nýggja sjóvarfalsdrekanum Dragon 12 og er nú í ferð við at flyta tann 1,2 MW stóra drekan úr Uddevalla til Føroya. Hetta verður so seinasta stigið í ætlanini at taka í nýtslu ein nýggjan og nógv størri dreka sigur Minesto á síni heimasíðu.

Enn er arbeiði eftir at gera í sambandi við at seta út drekan. Arbeiðsuppgávur eru eisini gjørdar lidnar í Gøteborg í sambandi við verkætlanina í Vestmanna skrivar Offshore Energy. 

Svenska fyritøkan sigur annars, at uppgradering av tí verandi 100kW stóra Dragon 4 drekanum er liðug og framleiðir hann orku inn á netið hjá SEV.

Minesto hevur stórar framtíðar ætlanir við sjóvarfalsorku á fýra ymsum plássum í Føroyum. Tá hesar eru útbygdar metir fyritøkan, at sjóvarfalsorkan kann nøkta 40% av streymtørvinum í Føroyum. Fyritøkan samstarvar við SEV.